UNGUR blökkumaður á uppleið flækist inn í rán á bensínstöð dýpst í Suðurríkjunum, sem vitanlega eru ekki kjörlendur blökkumanna.
Myndin fellur sem sagt í flokk þeirra gamanmynda sem kenna má við þorsk á þurru landi. Söguþráðurinn er í hæsta máta skrykkjóttur og velflestur vandræðahátturinn, sem á að vekja hlátur, fellur kylliflatur og ekki nýtur myndin góðs af leikaraliðinu, sem virðist mestallt hafa verið fengið á skransölu einhvers staðar í útjaðri Hollywood.
Þessa ber að varast nema í áberandi myndbandaþurrki.
Heiða Jóhannsdóttir