ÍSLANDSFUGL ehf. hefur opnað nýja heimasíðu. Þetta er viðamikil síða sem gefur glögga mynd af uppbyggingu fyrirtækisins, en stefnt er að því að fyrstu vörur þess komi á markað undir lok júlí.
Á heimasíðunni er gerð ítarleg grein fyrir kjúklingarækt sem er mjög vaxandi búgrein hér á landi, sögu hennar og aðferðum við eldi. Þá er þar einnig að finna stærsta kjúklingauppskriftabanka landsins.
Athygli hf. á Akureyri hafði yfirumsjón með gerð síðunnar og annaðist alla textavinnslu. Jóhann H. Jónsson, grafískur hönnuður í Reykjavík, sá um tæknilega úrvinnslu og grafíska hönnun. Slóð síðunnar er www.islandsfugl.is.
Arnar Tryggvason, grafískur hönnuður hjá fyrirtækinu Norðan 2 á Akureyri, hefur gert nýtt merki fyrir félagið.
Á heimasíðunni verður unnt að fylgjast með fréttum af fyrirtækinu, uppbyggingu þess og áformum.