LYNGÁS er sérhæfð dagvist fyrir fötluð börn og unglinga. Lyngásheimilið er fyrsta þjónustustofnun Styrktarfélags vangefinna, stofnað 1961.
Í tilefni þess að nú eru 40 ár liðin frá því að Lyngás hóf starfsemi sína verður opið hús 9. júní næstkomandi, milli kl. 14:00 og 17:00.
Ýmislegt verður til skemmtunar og fróðleiks. Gömul og ný myndbönd verða sýnd, ljósmyndir verða til sýnis og hollar veitingar í boði.
Vonast er til að sjá sem flesta af velunnurum félagsins. Sérstaklega eru þeir boðnir velkomnir sem njóta nú eða hafa notið þjónustu Lyngáss á liðnum árum og fjölskyldur þeirra.