BRIDS - Umsjón Guðmundur Páll Arnarson

ÞÚ ert í austur í vörn gegn sex spöðum og þakkar makker í huganum fyrir vel heppnað útspil:

Suður gefur; allir á hættu.

Sagnhafi setur lítinn tígul úr borði. Hefur þú eitthvað til málanna að leggja?

Þetta lítur vel út. Hugsanlega á vörnin tvo slagi á tígul, en einn ætti að duga til að fella slemmuna, því drottningin fjórða í trompi er líklegur slagur. "Líklegur" er einmitt rétta orðið, því spaðadrottningin er nefnilega alls ekki öruggur slagur. Segjum að þú látir lítinn tígul. Makker á slaginn og hlýtur að spila litnum áfram:

Suður trompar og fer inn í borð á hjarta til að svína spaðagosa. Hann tekur næst á spaðaás og sér leguna. Sagnhafi hefur engu að tapa með því að fara nú tvisvar inn í borð á lauf og trompa tvo tígla. Þá er tromplengd hans sú sama og þín. Hann spilar svo hjarta á kóng og síðan drottningunni. Þú gætir frestað vandanum með því að henda tígli, en þá fer laufdrottningin heima og síðan verður spaðaslagurinn sviðinn af þér í tveggja spila endastöðu. Dæmigert trompbragð.

Vörnin við þessu er nú löngu farin að blasa við. Tígulgosinn er yfirtekinn og hjarta eða laufi spilað. Þá vantar sagnhafa eina innkomu til að geta stytt sig nógu oft í trompi og spaðadrottningin verður slagur.