Nú fer hver að verða síðastur að leggjast á beit á okkar litla, sæta áðurnefnda lúpínubletti, hér norður í hafi. Berja- og sveppatínsla er nú í algleymingi og rabarbaragrautar eru líklegast víða á boðstólum þessa dagana. Ekki veitir af að treina sumarið og láta hina líflegu og skæru liti þess fylgja sér inn í haustið þar sem svo mýkri og mildari litir taka völdin innan skamms.
Fátt er sumarlegra en blóm í öllum sínum skrúða og það vill svo skemmtilega til að mörg þeirra má borða. Gæta verður þess þó ætíð að blómin séu náttúruleg, hafi ekki verið úðuð með neinum eiturefnum eða búið að setja í þau nein önnur óæskileg efni.
Fjólur og stjúpur sóma sér vel í líflegu sumarsalati ásamt t.d. fíflablöðum, hundasúrum, rauðlauk og e.t.v. krónublöðum af pelagóníum (mánabrúður). Eggjakaka með skessujurt er kraftmikill og hollur miðdegisverður. Uppskriftin er eftirfarandi:
2-3 msk rifinn ostur, t.d. óðals- eða gouda
2 msk. smjör
handfylli af fínt saxaðri skessujurt
4-5 msk rifinn gráðostur
nýmalaður pipar
Í eftirfarandi uppskrift eru krónublöð morgunfrúar notuð á nýstárlegan hátt.
Tagliatelle með morgunfrúarsósu
4 dl mjólk
1 stór laukur
60 ml krónublöð morgunfrúar
2 stórar gulrætur
1 lárviðarlauf
110 g smjör
110 g hveiti
175 g rifinn ostur
salt og pipar
225 g tagliatelle
Rósin hefur gjarnan verið nefnd "drottning blómanna" og hin langa saga rósarinnar er þétt ofin saman við sögu mannkynsins sjálfs. Það er trú manna að rósin sé fyrsta blómið sem menn tóku að rækta sjálfir. Hún er tengd flestum trúarbrögðum á einhvern hátt og einnig hefur hún verið notuð oft sem tákn í pólitík, s.s. Rósastríðið svonefnda sem klauf England í sundur á 15. öld. Í matargerðarlist hefur rósin gegnt mikilvægu hlutverki í gegnum aldirnar og í Rómaveldi hinu forna gæddu menn sér t.a.m. á rósatertum, rósahlaupi, réttum sem kryddaðir voru með rósakrafti sem fékkst með því að merja blöðin í mortéli og drukku vín sem rósablöð höfðu verið látin liggja í bleyti í. Rósir hafa löngum einnig verið notaðar í ýmis fegrunarmeðul, s.s. rósaolíur og duft ýmiss konar og krem. Rósahunang ku vera mjög mýkjandi fyri sáran háls. Það er útbúið þannig: Sjóðið 20 gr af rauðum rósablöðum ásamt 100 g af fljótandi hunangi í 10 mín. Síið í gegnum viskustykki eða mjög fínt sigti. Takið inn eina msk í einu gegn vægri hálsbólgu eða særindum í hálsi.
Að lokum þessi rósumprýddi eftirréttur:
Rabarbaradesert með rósablöðum
1 bolli sykur
1/4 bolli vatn
2 stappaðir bananar
1 bolli rjómi
2 eggjahvítur