Einu sinni var kona sem átti hund sem hét Nýjasta tíska. Dag einn þegar konan var að baða sig hljóp hundurinn út á götu. Konan hljóp allsber á eftir hundinum og kallaði: Nýjasta tíska! Nýjasta tíska! Daginn eftir voru allir allsberir úti á götu.
Heyrðist í dýrabúðinni:
- Hvernig stendur á því að kötturinn sem ég ætlaði að kaupa í gær á 3000 krónur, kostar í dag 5000 krónur?
- Af því að í millitíðinni gleypti hann páfagauk sem kostaði 2000 krónur!
Einu sinni var maður úti að ganga með tannbursta í bandi. Þá kom strákur glottandi til hans og sagði:
- Hvað heitir hundurinn þinn?
- Ha? Sérðu ekki að þetta er tannbursti? svaraði maðurinn. Um leið og strákurinn var farinn sneri maðurinn sér að tannburstanum og sagði:
- Þarna plötuðum við hann Snati!