Þurfti staðgengilsbossa

LEIKKONAN Sarah Michelle Gellar hefur lagt blátt bann við því að unnusti hennar, kvennagullið Freddie Prinze Jr., fækki fötum í nýjustu kvikmynd sinni.

Freddie er nú við tökur á myndinni Summer Catch og í einu atriðanna stóð til að hann beraði á sér botninn.

Þegar Sarah frétti af því varð hún víst ekki par ánægð og heimtaði að unnustinn léti breyta handriti myndarinnar. Að hennar sögn á hún að vera eina konan sem fær að virða fyrir sér kroppinn á Freddie.

Freddie lét aðstandendur myndarinnar finna staðgengilsbossa fyrir sig og hafði þetta um málið að segja: "Það á enginn að fá að sjá á mér afturendann nema Sarah."