Yfirlit

12.000 tonna kvóti

Með kaupum ÚA á brezku útgerðarfyrirtæki hafa íslenzk fyrirtæki eignazt um 60% þorskveiðiheimilda Breta í Barentshafi. Samtals ráða íslenzk fyrirtæki nú um 12.000 tonna kvóta í Barentshafi og er verðmæti aflans á þriðja milljarð króna. [1, 12]

29 fórust á Ítalíu

Íbúar San Giuliano de Puglia á Suður-Ítalíu voru skelfingu lostnir er nýir jarðskjálftar riðu yfir í gær. 29 manns, flest börn, fórust í skjálftanum á fimmtudag. [1, 22]

Delta á Bandaríkjamarkað

Lyfjafyrirtækið Delta hefur gert samning um þróun samheitalyfja fyrir Bandaríkjamarkað, stærsta lyfjamarkað í heimi. Fyrirtækið gerir sér vonir um talsverðar framtíðartekjur. [76]

Úttekt vegna svikamálsins

Fasteignasalinn í Kópavogi sem hefur játað að hafa haft fé af viðskiptavinum sínum kann að hafa stundað þá iðju allt fram í síðustu viku. Íbúðalánasjóður hefur beðið Ríkisendurskoðun um úttekt vegna mistaka, sem sjóðurinn virðist hafa gert við afgreiðslu fasteignaveðbréfa til mannsins. [4]

Söluhagnaður vegur þungt

Söluhagnaður vegna Frjálsa fjárfestingarbankans er stærstur hluti hagnaðar Kaupþings á árinu. Arðsemi fyrirtækisins er 33% með söluhagnaðinum en 14% án hans. [18]

LÍÚ skiptir um skoðun

Aðalfundur LÍÚ ályktaði í gær að fella skyldi niður auðlindagjald á sjávarútveginn. Í fyrra féllst aðalfundur samtakanna á hóflegt auðlindagjald að uppfylltum ákveðnum skilyrðum. Útvegsmenn segja nú að þau skilyrði hafi ekki verið uppfyllt. [20]

Stöðluð Evrópusnudda

Settur hefur verið nýr Evrópustaðall fyrir snuð til að tryggja öryggi og gæði, draga úr hættu á köfnun og koma í veg fyrir að skaðleg efni berist í snuddunotendur. [36]

"Festist snuð í munni er fólki ráðlagt að halda ró sinni og losa það varlega þar sem ógerningur sé að gleypa það í heilu lagi."

Í dag
	S igmund8		M inningar42/47
	V iðskipti 18/20		H estar 48
	E rlent 22/24		K irkjustarf 50/52
	H öfuðborgin 28		Ú r Vesturheimi 60
	A kureyri 29		S taksteinar 62
	S uðurnes 30		M yndasögur64
	Á rborg 32		B réf 64/65
	L andið 33		D agbók 66/67
	L istir 34/35		L eikhús 68
	N eytendur 36		F ólk 68/73
	H eilsa 37		B íó 70/73
	F orystugrein 38		L jósvakamiðlar 74
	V iðhorf 42		V eður 75
	* * *