FYRIR um þremur árum átti Raufarhafnarhreppur um 220 milljónir en um nýliðin mánaðamót lá við að hreppurinn gæti ekki greitt laun. Í maí 1999 seldi Raufarhafnarhreppur hlut sinn í Jökli á Raufarhöfn og var söluverðið um 580 milljónir króna. Um 300 millj.

FYRIR um þremur árum átti Raufarhafnarhreppur um 220 milljónir en um nýliðin mánaðamót lá við að hreppurinn gæti ekki greitt laun.

Í maí 1999 seldi Raufarhafnarhreppur hlut sinn í Jökli á Raufarhöfn og var söluverðið um 580 milljónir króna. Um 300 millj. kr. lán á sveitarsjóði var greitt upp, hluti söluverðsins var notaður í framkvæmdir í bæjarfélaginu og fjármunir voru lagðir í atvinnuuppbyggingu. Aukinheldur fjárfesti hreppurinn í nokkrum fyrirtækjum, m.a. deCODE, OZ og Íslandssíma, en verðmæti þeirra hlutabréfa er aðeins lítill hluti af því sem það var þegar þau voru keypt.