NORSKAR leyniþjónustustofnanir eru farnar að fylgjast með þeim háskólanemum, sem ekki eru frá vestrænum ríkjum en stunda nám í kjarneðlisfræði, lífefnafræði og öðrum þeim greinum, sem geta auðveldað mönnum að setja saman gereyðingarvopn.
"Tilgangurinn er að kanna hve margir útlendingar eru við nám í þessum greinum og hvetja háskólana til að gæta þess að hver og einn geti ekki komist yfir þá þekkingu og efni sem þarf til að smíða gereyðingarvopn," sagði norskur leyniþjónustumaður sem ekki vildi láta nafns síns getið.
Háskólinn í Björgvin hefur látið leyniþjónustuna fá lista með nöfnum 543 manna en ekki er safnað saman upplýsingum um þá sem koma frá Norður-Ameríku og Schengen-svæðinu í Evrópu.
Ósló. AFP.
Til baka
Leita í greinasafni
Prenta grein
