OG VODAFONE hefur valið ANZA sem ráðgjafarfyrirtæki í upplýsingaog öryggismálum. Tekin hefur verið ákvörðun um að innleiða hjá Og Vodafone stjórnkerfi slíkra mála til að tryggja öryggi upplýsinga, persónuvernd og meðferð persónuupplýsinga lögum samkvæmt. Í fréttatilkynningu er haft eftir Guðna B. Guðnasyni, framkvæmdastjóra ANZA, að mikil gróska hafi verið í upplýsingaöryggi hjá íslenskum fyrirtækjum líkt og víðast hvar annars staðar í heiminum. "Lög í Bandaríkjunum gera kröfur til allra þarlendra stofnana um að ljúka uppsetningu upplýsingaöryggiskerfa á árinu 2005, segir Guðni í fréttatilkynningu.
"Íslensk lög gera ráð fyrir að fyrirtæki eða stofnanir sem vinna með persónugreinanleg gögn komi sér upp upplýsingaöryggiskerfi. Það er staðreynd að aukin krafa er gerð til fyrirtækja í upplýsingaöryggismálum frá ríkisvaldi, viðskiptaheimi og eigendum, segir hann enn fremur í fréttatilkynningu. Meðal fyrirtækja sem ANZA hefur unnið fyrir á þessu sviði eru fyrirtækin Alcan á Íslandi, Ríkiskaup, Síminn, Vífilfell, MS, Landmælingar Íslands, Tryggingastofnun ríkisins, Íslandsbanki, FMR og nú síðast Og Vodafone.