Töffarar, skrímsli og skvísur - Andri Már Ólafsson, Karen Sigurðardóttir, Jón Ingi Ragnarsson á bak við grímuna, Stefán Claessen, Sigurður Ingi Pálsson og Hafliði Ólafsson.
Töffarar, skrímsli og skvísur - Andri Már Ólafsson, Karen Sigurðardóttir, Jón Ingi Ragnarsson á bak við grímuna, Stefán Claessen, Sigurður Ingi Pálsson og Hafliði Ólafsson.
Keppendur í Öskudagsmótinu í Mjóddinni voru mættir til leiks í hinum ýmsu búningum.
Hrói Höttur hefði eflaust ráðið þessa á kappa í sína sveit. Hér eru frá vinstri Þórður Örn Reynisson, Daníel Ingi Sigmundsson, Andri Hrafn Viggósson og Ævar Pálmi Eyjólfsson.
Félagsmiðstöðin Aldan lét ekki sitt eftir liggja.
Meðal keppenda voru þessi brúðhjón - Thelma Rut Einarsdóttir og Margrét Ágústsdóttir.
Snæbjörn Áki Friðriksson í mikilli sveiflu - og einbeitingin var alger.
Sigríður Sigmarsdóttir, Ástrós Pétursdóttir og Linda Björk Gunnarsdóttir voru meðal keppenda á Öskudagsmótinu.
Daníel Hauksson fékk verðlaun fyrir besta búninginn.
[ Smellið til að sjá stærri mynd ]
SÚPERMAN sló bara niður 4 keilur, frekar slappt hjá honum, og Spid erman náði sjö en Rauðhetta með snuðið skaut niður níu keilur og fagnaði rækilega.

SÚPERMAN sló bara niður 4 keilur, frekar slappt hjá honum, og Spiderman náði sjö en Rauðhetta með snuðið skaut niður níu keilur og fagnaði rækilega. Öll voru þau stödd á keilumóti, nánar tiltekið í Keilu í Mjódd á öskudaginn þegar fram fór líflegt grímubúningamót yngri kynslóðarinnar í keilu. Flestir krakkanna voru mjög ákafir enda hafði fyrri hluti dags farið í að safna í stóra poka sælgæti sem knúði þau áfram síðar um daginn.

Mótið snerist minna um að hirða verðlaunapeninga, frekar að hafa gaman af og í hvert sinn er einhver bætti árangur sinn um eina keilu eða svo fékk sá eitt högg til reyna slá köttinn úr tunnunni, sem lauk með því gólfið flóði í enn meira sælgæti. Keppt var á öllum brautum og sást að sumir kunnu sitthvað fyrir sér þrátt fyrir ungan aldur en alls voru um mættu 60 krakkar á aldrinum 7 til 18 ára til að spreyta sig við keilurnar. Mest var úr keiludeild ÍR og KFR auk þess að Öspin og félagsmiðstöðin Aldan mætti með vaska sveit. Margir söknuðu KR-inga sem einnig eru með unglingastarf auk þess að á Akranesi eru brautir svo að búast má við enn skrautlegra móti næsta ár. Hver veit nema Batman mæti á svæðið.

Stefán Stefánsson skrifar