HANN er með silkimjúka rödd, kláran bómullarbarka, Michael Bublé, þessi 25 ára gamli Bandaríkjamaður sem allt er að gera vitlaust með túlkun sinni á lögum gömlu raularanna Sinatra, Cole, Martin, Bennett og allra þeirra frænda.
Hann er kanadískur drengurinn, frá Vancouver og platan sem kemur ný beint inn í annað sæti er hans fyrsta og kom fyrst út á síðasta ári. Þar tekur hann ekki bara gamla standarda frá miðri síðustu öld heldur einnig yngri lög af sveiflukenndara taginu. Má þar nefna Queen-lagið "Crazy Little Thing Called Love" og "Kissing a Fool" eftir George Michael.