*http://valinkunnurandansmadur.blogspot.com
"Ólafur Harðarson stjórnmálafræðingur er á þeirri skoðun að kjósendur séu ekki heimskir. Ég skal ekkert fullyrða um það, en ég fékk rétt í þessu símtal frá einum heimskum kjósanda. Ef maður hringir í vitlaust númer, þá þrætir maður ekki við þann sem svarar um hvort númerið sé vitlaust eða ekki. Maður treystir dómgreind þess sem svarar í símann.Önundr: Halló
Kvinna: Já halló
Önundr: Jájá, halló
Kvinna: Ég er að hringja hérna frá blómalagernum vegna sendingarinnar
Önundr: Þú ert þá að hringja í vitlaust númer. Ég kannast ekki við þetta.
Kvinna: Nei, sjáðu til. Þetta er hjá blómalagernum
(hvað á ég að segja? já alveg rétt, ég skildi orðið bara ekki þegar þú sagðir það í fyrra skiptið! nú man ég hvað lager er!)
Önundr: Já eins og ég segi, þú ert að hringja í vitlaust númer.
Kvinna: Ég fékk sko upplýsingar hjá honum Bjarna sem er ráðningarstjóri og hann sagði að ég ætti að hringja í þetta númer.
(Núnúnú? Sagði sjálfur Bjarni þetta, og hann er sko ekki vitlaus maður, ráðningarstjóri og allt! Ég hlýt bara að vera að rugla. Bíddu nú við jú, ég á í viðskiptum við blómalagerinn! Alveg rétt!)
Önundr: Þú fyrirgefur, en ég hef ekki minnstu hugmynd um hvað þú ert að tala. Þetta er vitlaust númer.
Kvinna: Jaájá. Þú segir það vinur.
(Haaaa? Hver rækallinn, hún sagði þetta með vantrú í röddinni!)
Önundr: Já. Bless
Kvinna: Bless bless.
Það vantar ekki farsíma með myndavélum og rugli. Það vantar farsíma með búnaði til að setja höndina inn í svo maður geti löðrungað þann sem er á hinum enda línunnar." 27. apríl 11.27