Húsið er á tveimur hæðum, 208,5 ferm. að stærð og og því fylgir rúmgóður frístandandi bílskúr, sem er 33,8 ferm. Garðurinn er sérlega fallegur með fjölbreyttum trjám og öðrum gróðri. Ásett verð er 38,5 millj. kr., en húsið er til sölu hjá Eignamiðlun.
Húsið er á tveimur hæðum, 208,5 ferm. að stærð og og því fylgir rúmgóður frístandandi bílskúr, sem er 33,8 ferm. Garðurinn er sérlega fallegur með fjölbreyttum trjám og öðrum gróðri. Ásett verð er 38,5 millj. kr., en húsið er til sölu hjá Eignamiðlun.
[ Smellið til að sjá stærri mynd ]
Reykjavík - Eignamiðlun er nú með í sölu einbýlishús við Seiðakvísl 19. Húsið er á tveimur hæðum, 208,5 ferm. að stærð og því fylgir rúmgóður frístandandi bílskúr, sem er 33,8 ferm.

Reykjavík - Eignamiðlun er nú með í sölu einbýlishús við Seiðakvísl 19. Húsið er á tveimur hæðum, 208,5 ferm. að stærð og því fylgir rúmgóður frístandandi bílskúr, sem er 33,8 ferm.

"Þetta er eitt glæsilegasta einbýlishúsið í Ártúnsholti og garðurinn og lóðin við húsið eru sérlega falleg og vel gróin," segir Sverrir Kristinsson hjá Eignamiðlun.

"Sé gengið inn um aðalinngang hússins er farið um flísalagða forstofu með góðum skápum. Gangur er með parketi á gólfi. Á vinstri hönd eru tvær góðar stofur og þar er tvöföld hurð, sem opnast út á sólpall og út í garð. Til vinstri á ganginum er eldhús með korki á gólfi, opinni fallegri innréttingu, áföstu eldhúsborði og tengi fyrir uppþvottavél. Gott skápapláss er í eldhúsi.

Við eldhús er gott flísalagt þvottahús með tengi fyrir tæki, innréttingu og útgangi, en þennan útgang má nota fyrir daglegan umgang. Úr eldhúsi er einnig gengið niður þrjár tröppur í góða borðstofu með flísalögðu gólfi, en þaðan er útgangur út á skjólgóðan sólpall, sem gott er að nota fyrir útiborðhald. Góð grillgeymsla er við pallinn.

Af forstofugangi liggur parketlagður stigi upp á efri hæð, en þar er stórt hjónaherbergi með parketi á gólfi og inn af því er gott fataherbergi. Enn fremur mjög stórt herbergi með parketi á gólfi og skáp. Barnaherbergi er með parketi á gólfi og skáp. Sjónvarpsstofa er með parketi á gólfi og útgangi út á svalir með útsýni yfir borgina. Baðherbergi er með flísum á gólfi og góðri innréttingu. Bílskúrinn er 34 ferm. með rafmagni og heitu og köldu vatni og sund milli bílskúrs og húss er yfirbyggt."

"Öll umgjörð hússins er sérlega glæsileg með góðum sólpöllum, hellulögðum gangstéttum, fjölbreyttum trjám og öðrum gróðri," sagði Sverrir Kristinsson að lokum. "Bæði hús og garður bera þess merki að hafa fengið mjög gott viðhald í gegnum tíðina." Ásett verð er 38,5 millj. kr.