"Þetta breytir engu fyrir okkar fyrirtæki. Okkar afstaða til þessarar lagasetningar er óbreytt," segir Skarphéðinn Berg Steinarsson, stjórnarformaður Norðurljósa. Boðaðar breytingar á lögum um fjölmiðla séu bara furðulegur skrípaleikur og til þess eins að réttlæta gjörðir ríkisstjórnarinnar sem forystumenn þora ekki að bera undir þjóðina í þjóðaratkvæðagreiðslu. Þetta beri þess merki að verið sé að forðast að leggja þessa tiltekna lagasetningu í dóm kjósenda.
Boðað hefur verið að endurvekja fjölmiðlanefndina til að fjalla um lögin með aðkomu stjórnarandstöðunnar. Skarphéðinn segir að hans fyrirtæki hafi alltaf verið tilbúið að tilnefna fulltrúa í slíka vinnu en við því hafi ekki verið orðið. Hann veit ekki til þess að Norðurljósum eða öðrum fjölmiðlafyrirtækjum á Íslandi sé ætlað hlutverk í áframhaldandi starfi fjölmiðlanefndarinnar. Ástæða sé til að sjónarmið þessara fyrirtækja komist að í þeirri vinnu.
Til baka
Leita í greinasafni
Prenta grein
