Rússi að ólöglegum veiðum við Svalbarða

NORSKA utanríkisráðuneytið kom í veg fyrir að rússneski rækjutogarinn Okeonator yrði tekinn af norsku landhelgisgæzlunni fyrir nokkrum dögum. Togarinn var staðinn að ólöglegum veiðum innan 12 mílna landhelgi Svalbarða, en hann hafði heldur ekki tilkynnt sig til rækjuveiða á svæðinu.

Skipstjórinn fékk því áminningu, sem hann sinnti hvergi. Þegar hann var svo staðinn að veiðum innan 12 mílna markanna á ný var ætlunin að fara um borð og taka skipið, en þá komu boð frá utanríkisráðuneytinu um að skipið skyldi ekki tekið, heldur fengi skipstjórinn aðra áminningu og hélt hann síðan út fyrir umrædd 12 mílna mörk.

Okenator hét áður Húsvíkingur og var gerður út frá Húsavík.