Funheit Fahrenheit

Fáar ef nokkrar heimildarmyndir hafa valdið jafn miklu fjaðrafoki og nýjasta mynd kvikmyndagerðarmannsins Michaels Moore, Fahrenheit 9/11. Myndin var umdeild um heim allan löngu áður en hún kom út og frá og með deginum í dag gefst Íslendingum kostur á að sjá þessa margumræddu mynd.

Í þessari rúmlega tveggja tíma heimildarmynd beinir Moore óvægnum spjótum sínum að George W. Bush, forseta Bandaríkjanna, og helstu samstarfsmönnum hans. Myndin er beitt ádeila á Íraksstríðið og viðbrögðin við hryðjuverkaárásunum þann 11. september og meint kosningasvindl í síðustu forsetakostningum er meðal þess sem Moore rýnir ofan í kjölinn á.

Fahrenheit 9/11 verður frumsýnd í Laugarásbíói og Regnboganum.