SIARHEI Rutenka, einn besti maður Slóvena sem lögðu Íslendinga á HM, 34:33, hefur venjulega skorað meira en hann gerði gegn Íslendingum, en í hans stað tóku aðrir leikmenn við ábyrgðinni.

SIARHEI Rutenka, einn besti maður Slóvena sem lögðu Íslendinga á HM, 34:33, hefur venjulega skorað meira en hann gerði gegn Íslendingum, en í hans stað tóku aðrir leikmenn við ábyrgðinni. "Þetta var rosalega erfiður leikur eins og við áttum von á enda eru Íslendingar með mjög góða einstaklinga og gott lið. Við undirbjuggum okkur eins vel og hægt er og ég held að við höfum allir einbeitt okkur að því að leika eins vel og við gátum og auk þess lékum við með hjartanu. Okkur langaði svo mikið til að vinna Íslendinga og það tókst loksins," sagði stórskyttan eftir leikinn.

"Bæði lið voru nokkuð stressuð og þess vegna gerðu þau mikið af mistökum - rétt eins og dómararnir," sagði hann.