Kryddblandan sem gerir allan mat betri
Þóra Kolbrá Sigurðardóttir
Setja bókamerki
Þessi kryddblanda á fáa sína líka í heiminum enda framúrskarandi bragðgóð og margslungin. Við mælum með að þið gerið stóran skammt og eigið blönduna til upp í skáp þannig að þið þurfið ekki að gera hana frá grunni í hvert sinn.
Þurrkryddblanda frá Marokkó
- ¼ bolli heil kúmmínfræ
- 1 tsk. þurrkað timjan
- 1 tsk. þurrkuð basilika
- 1 tsk. heilir þurrkaðir negulnaglar
- 5 heilir stjörnuanísar
- ¼ bolli malað kóríandur
- 2 tsk. malaður kanill
- 2 tsk. malað allrahanda
- 1 msk. chiliduft
- 2 msk. paprika
- 1 tsk. cayennepipar
- 4 ½ tsk. kosher-salt
- 2 tsk. nýmalaður svartur pipar
Aðferð:
- Hitaðu ofninn í 200 gráður.
- Blandaðu hráefnunum á efri listanum saman á bökunarplötu og ristaðu við 200 gráður í 5 mínútur.
- Settu í matvinnsluvél eða kryddkvörn og malaðu í fínt duft.
- Settu í fat og bættu við kóríandri, kanil, allrahanda, chilidufti, papriku, cayenne-pipar, kosher-salti og nýmöluðum svörtum pipar, blandaðu vel með skeið.
- Þessi blanda er mjög góð á kjúklingabita, annað fuglakjöt, svínalund eða nautakjöt.
mbl.is/Gunnar Konráðsson
