Auðveldasta grillmáltíð síðari ára
Setja bókamerki
Heilgrillaður kjúklingur er í margra hugum áhættuatriði sem kallar á flókinn búnað og miseldað kjöt. Matarvefurinn fékk það verkefni að grilla svokallaðan butterfly-kjúkling þessa vikuna en það er kjúklingur sem búið er að fletja út til að auðveldara sé að grilla hann.
Einhverjir klóruðu sér í kollinum og voru efins en farið var af stað í þeirri von að þetta væri jafn snjöll hugmynd og hún virtist vera.Kjúklingurinn kemur tilbúinn í sítrónu- og rósmarín-marineringu. Því þarf bara að skella honum beint á grillið. Að auki var búin til kryddblanda úr fersku kóríander, rifnum lime-berki, lime-safa, salti og ólífuolíu sem var penslað á kjúklinginn með rósmaríngreinum. Með þessu var svo grillað meðlæti sem var tilbúið í bökkum.
Það tekur vissulega smá stund að grilla kjúklinginn enda betra að tryggja að hann sé eldaður í gegn en útkoman var hreint frábær. Kjötið var meyrt og mjúkt, bráðnaði í munni og grillbragðið kom vel í gegn.
Niðurstaða: Butterfly-kjúklingur hentar vel á grillið og bragðast frábærlega.
Butterfly-kjúklingur með sítrónu og rósmarín
Kryddolía
- Ferskt kóríander
- Rifinn lime-börkur
- Safi úr einu lime
- Sjávarsalt
- Ólífuolía
Dressing
Takið tvær matskeiðar af kryddolíunni (meira af jurtum, minna af olíunni) og blandið saman við sýrðan rjóma
Meðlæti
- Kirsuberjatómatar og mozzarella
- Smælki
- Grillgrænmeti
Allt grænmeti kom tilbúið í bökkum, beint á grillið.
