Snjóboltar með hvítu súkkulaði og appelsínu

Þetta eru klassískar smákökur sem eru dýrðlegar með kampavíni, kaffi eða góðum bolla af kakói. Þær eru svo skemmtilegar því grunnurinn er auðveldur og hægt er að breyta hvað er sett í þær. Mér finnst þessar sérstaklega góðar með hvítu súkkulaði og appelsínu. Verður það eitthvað jólalegra?

• 1 bolli mjúkt smjör
• 1/2 bolli flórsykur
• 1 tsk appelsínudropar, fást í t.d.Kosti*
• 2 1/4 bolli hveiti
• 1/2 tsk salt
• 1 poki súkkulaðidropar hvítir
• Flórsykur til að velt uppúr

Hitið ofninn í 180 gráður.

Setjið smjörið, kókos-, möndlu- eða vanilludropana og flórsykur í hrærivélarskál og látið blandast vel saman, eða þar til blandan verður létt og ljós.

Bætið hveitinu og saltinu saman við og hrærið vel saman.

Bætið súkkulaðidropum í deigið og blandið saman með sleif.

Mótið eina msk af deigi í kúlu og setjið á smjörpappír.

Bakið í 10-15 mínútur eða þar til botninn er orðinn örlítið gylltur.

Látið kökurnar kólna og veltið svo upp úr flórsykri, ég velti þeim alltaf aftur rétt áður en þær eru bornar fram.

 *Ef ekki eru til appelsínudropar má skipta þeim út fyrir möndludropa eða vanilludropa.