Ég bjó í Dan­mörku í sex ár þar sem ég kynnt­ist þess­ari „skrítnu“ hefð að vera með marg­nota páska­egg úr pappa,“ seg­ir Edda Andrés­dótt­ir, mat­gæðing­ur og nemi í nær­ing­ar­fræði við Há­skóla Íslands. „Ég verð að viður­kenna að ég kem úr fjöl­skyldu þar sem súkkulaðig­enið er ríkj­andi og í fyrstu þótti mér bein­lín­is asna­legt að sleppa skel­inni, það þýddi ein­fald­lega minna súkkulaði. Sann­leik­ur­inn var nú samt sá að mér fannst þessi hefðbundna súkkulaðisk­el aldrei góð á bragðið og inni­haldið líka frek­ar óspenn­andi, að und­an­skild­um máls­hætt­in­um.

Þess vegna tók ég upp þenn­an sið, að fylla pappa­eggið mitt með því sem mér þótti best; dökk­um súkkulaðibit­um, nokkr­um bit­um með hesli­hnetu­fyll­ingu og þurrkuðum ávöxt­um. Með ár­un­um hef­ur eggið þó minnkað, ég byrjaði með stórt pappa­egg en í fyrra skipti ég því svo út fyr­ir lítið egg úr málmi sem ég keypti í Tiger. Þá gerði ég í fyrsta sinn líka páska­egg fyr­ir son minn, Jök­ul Mána, og fannst sniðugt að út­búa handa hon­um málmegg sem þyldi bet­ur hnjask, en það fylg­ir gjarn­an tveggja ára stuðbolt­um.“

Þurrkuð mór­ber

Hvað með inni­haldið, hvað fer í þitt páska­egg og hvað fær son­ur­inn?

„Inni­haldið hef­ur einnig breyst í gegn­um tíðina, súkkulaðið er orðið dekkra og minna um þurrkaða ávexti. Í eggið mitt í ár fara þurrkuð mór­ber, dökkt súkkulaði með kó­kos, hesli­hnetu­fyllt kon­fekt, lakk­ríssúkkulaði frá Omnom og nokkr­ar döðlur.

Jök­ull Máni fær í sitt egg þurrkað mangó, goji-ber, döðlur, rús­ín­ur, þurrkuð trönu­ber og ávaxt­anammi og í ár fá nokkr­ir vel vald­ir súkkulaðibit­ar að fylgja með, þó lík­leg­ast ljós­ari en mín­ir.“

Eru súkkulaðipáska­egg­in al­veg út úr mynd­inni, færðu þér ekki einu sinni einn bita?

„Ég er al­veg hætt í hinum hefðbundnu páska­eggj­um. Síðustu ár hafa for­eldr­ar mín­ir hins veg­ar keypt eitt sæl­kera­egg frá Hafliða í Mos­fells­baka­ríi, dökkt eðalsúkkulaði, handa okk­ur fjöl­skyld­unni og mér finnst stemn­ing að fá mér smá bita og lesa máls­hátt­inn.“

Breytt mataræði

Hef­urðu alltaf verið meðvituð um mataræðið – borðað hollt?

„Frá því að ég var ung­ling­ur hef ég hugsað vel um heils­una, hreyft mig reglu­lega og vandað valið á því sem ég læt ofan í mig. Hægt og ró­lega hafa áhersl­urn­ar breyst. Núna er ég minna í rækt­inni en stunda þess í stað jóga nokkr­um sinn­um í viku og reyni að hug­leiða við flest tæki­færi. Göngu­ferðir og fjall­göng­ur finnst mér einnig dá­sam­leg lík­ams­rækt.

Ég elska að vera í eld­hús­inu, prófa nýja rétti og aðferðir og úr öll­um átt­um. Mataræði mitt er svo­lítið eins og ég sjálf, alls kon­ar og alltaf að breyt­ast. Ég flögra frá hrá­fæði yfir í græn­met­is­fæði, veg­an-rétti, hæg­eldað, lág­kol­vetna og nota hrá­efni úr öll­um fæðuflokk­um. Ég útbý mitt eigið hrá­kon­fekt og geymi í frysti, þá er auðvelt að ná sér í einn og einn mola. Skyndi­bita­mat­ur heyr­ir sög­unni til, nema þegar ég skýst ein­staka sinn­um á Gló eða fæ mér borg­ara á Búll­unni, ég er jú ekki heil­ög.

Þessi ástríða mín fyr­ir mat og mat­ar­gerð, sem og þörf­in fyr­ir að hjálpa öðrum, leiddi mig út í nær­ing­ar­fræðinám. Mig lang­ar í framtíðinni að geta aðstoðað þá sem eru villt­ir í hringiðu tíma­leys­is og skyndi­bita­neyslu og eru mögu­lega farn­ir að þjást af lífs­stíls­sjúk­dóm­um. Sýna þeim fram á að það er mun auðveld­ara en marg­ir halda að lifa heilsu­sam­legu lífi og taka upp­lýst­ar, góðar ákv­arðanir varðandi mataræðið.“

Páskalilj­ur í potti

Pásk­arn­ir þínir, snú­ast þeir um úti­vist og góðan mat?

„Þegar ég hugsa um pásk­ana er það fyrsta sem kem­ur upp í hug­ann kær­komið frí, heil­ag­ar gæðastund­ir með fjöl­skyld­unni og vin­un­um, og já, góður mat­ur og mat­ar­boð. Á pásk­um gefst tími til að sinna áhuga­mál­un­um sem verða ann­ars oft að sitja á hak­an­um, þar ber helst að nefna góða úti­veru, göngu­túra, gæðastund­ir með litla strákn­um mín­um, jóga – og mat­ar­gerð.

Pásk­arn­ir í ár verða ann­ars mjög af­slappaðir. Ég er í há­skóla­námi svo ég mun nýta hverja mín­útu sem gefst í góða slök­un í faðmi fjöl­skyldu og vina. Jafn­framt mun ég reyna að glugga aðeins í skóla­bæk­urn­ar. Ég þarf líka að vinna, ég vinn í fyr­ir­tæki for­eldra minna, Tóna­stöðinni, sam­hliða skól­an­um og þetta er mjög anna­sam­ur tími hjá okk­ur, hljóðfæri eru vin­sæl­ar ferm­ing­ar­gjaf­ir. Ein besta vin­kona mín á svo stóraf­mæli um pásk­ana og ég vona að hún leyfi mér að aðstoða hana við und­ir­bún­ing veisl­unn­ar.“

Áttu þínar páska­hefðir?

„Eina fasta hefðin er lík­lega sú að við höf­um páskalamb í mat­inn á páska­dag og góðan eft­ir­rétt. Áður en ég eignaðist strák­inn minn, sér­stak­lega þegar ég bjó í Dan­mörku, reyndi ég yf­ir­leitt að nýta páskafríið í að heim­sækja vini mína í Evr­ópu, eða fjöl­skyldu mína á Íslandi. Stund­um fór ég líka til syst­ur minn­ar og fjöl­skyldu henn­ar í Banda­ríkj­um, svo ætli það sé ekki líka smá hefð fyr­ir ferðalög­um.

Mér finnst minna vera meira þegar kem­ur að skreyt­ing­um fyr­ir hátíðir og það á líka við um pásk­ana; gul­ir túlí­pan­ar, páskalilj­ur í potti, örfá skrautegg og gul­ur dúk­ur á eld­hús­borðið hef­ur mér fund­ist vera nóg.“

Prenta

Kyssu-berja-súkkulaðistang­ir
Son­ur minn gaf kon­fekt­inu þetta flotta nafn.

Hjúp­ur
100 g kakós­mjör
6 msk. hrátt kakó­duft
1 msk. kó­kosol­ía
klípa af sætu, t.d. hlyns­írópi/​hun­angi/​aga­ve
ör­lítið salt

Fyll­ing
10 kirsu­ber
6 jarðarber
1/​3 bolli kó­kos­mjöl
1 msk. kó­kosol­ía
vanilla á hnífsoddi
smá sæta, t.d. hlyns­íróp/​hun­ang/​aga­ve

Aðferð:

Þíðið ber­in ef þau eru fros­in og setjið allt hrá­efnið fyr­ir fyll­ing­una í mat­vinnslu­vél. Mér finnst gott að hafa blönd­una sem grófasta.Klæðið fer­hyrnt form að inn­an með smjörpapp­ír, dreifið úr fyll­ing­unni og frystið í 1-2 klst.

Á meðan: Bræðið kakós­mjör og kó­kosol­íu í skál yfir heitu vatni í potti. Þegar það er bráðið bætið þið hrákakó­inu út í og blandið vel. Ef þið ákveðið að nota sætu er gott að smakka til með henni.

Mér finnst gott að nota ör­lítið sjáv­ar­salt.Takið svo fyll­ing­una úr frysti, skerið í lengj­ur sem þið dýfið svo út í súkkulaðihjúp­inn og stingið aft­ur í fryst­inn. Til að fá þykk­an hjúp er gott að taka nokkr­ar um­ferðir, dýfa í súkkulaði og frysta á víxl.