Matur | mbl | 14.7.2017 | 14:45

Sykursnúðar í sumarfríið

Girnilegir eru þeir og sannarlega gómsætir. ljósmynd/theKitchn

Við vitum að sykur er ekki vinsæll og fáir þora að viðurkenna opinberlega að þeir elski hann en óttist eigi þar sem við hér á matarvefnum erum hrifnar af honum (í hófi að sjálfsögðu). Þessir snúðar eru svo dásamlegir að við erum handviss um að þeir verði fastagestir á morgunverðarborðinu eða í afmælisboðum framtíðarinnar.

Meginuppistaðan er smjördeig en hægt er að kaupa það tilbúið og frosið úti í búð. Einnig er hægt að panta það í sérstökum stærðum í bakaríum.

Smjördeigsrúllan er skorin í sex bita. ljósmynd/theKitchn

Sykursnúðar í sumarfríið

Sykursnúðar í sumarfríið

2 rúllur af smjördeigi
4 msk. hrásykur
2 msk. dökkur púðursykur
1 tsk. kanill eða 1 msk. fínt rifinn sítrónubörkur
¼ tsk. borðsalt
Tvær rúllur af smjördeigi.
8 msk. ósaltað smjör, við stofuhita

Aðferð:

Hitaðu ofninn upp í 200 gráður og smyrðu múffuformin. Gott er að vera með form sem tekur 12 múffur.
Blandið saman 2 msk. af hrásykrinum, púðursykrinum og kanil eða sítrónuberkinum, auk salts í litla skál og leggið til hliðar.
Stráið 2 msk. af hrásykri á borðplötuna. Takið smjördeigið varlega í sundur ofan á sykrinum. Smyrjið 2 msk. af smjöri yfir deigið og sáldrið síðan 1/3 af kanil eða sítrónusykrinum yfir deigið.
Takið kökukefli og rúllið varlega yfir smjördeigið til að tryggja að sykurinn/sítrónubörkurinn haldist. Rúllið síðan deiginu upp fremur þétt. Gerið það sama við hina rúlluna af deiginu.
Skerið hvora rúllu í sex bita og setjið í múffuformin.
Bakið snúðana þar til þeir eru orðnir bústnir og gullinbrúnir eða í um 20-25 mínútur. Setjið múffuformin á grind og látið kólna í rólegheitunum.
Bræðið afganginn af smjörinu í litlum potti og penslið snúðana með því og sáldrið afgangnum af kanilsykrinum eða sítrónusykrinum áður en þið berið fram.

Heimild: The Kitchn