Matur | mbl | 18.9.2017 | 19:36

Galdurinn á bak við heimsins bestu vöfflur

Sigti og buttermilk eru galdurinn en nota má súrmjólk í staðinn. mbl.is/Berglind Hreiðars

Berglind Hreiðarsdóttir, smjörkremsdíva á gotteri.is, hefur fundið galdurinn á bak við fullkomnar vöfflur. „Ég verð að segja að þetta voru bestu vöfflur sem ég hef smakkað! Ég held að galdurinn liggi annars vegar í „buttermilk“ og hins vegar í sigtun á hveiti því svona silkimjúkt deig hef ég ekki áður augum litið.“

Galdurinn á bak við heimsins bestu vöfflur

Heimsins bestu vöfflur

5 egg
225 gr. sykur
720 ml mjólk
180 ml „buttermilk“
2 tsk. vanilludropar
140 gr. bráðið smjör
570 gr. hveiti
1 tsk. lyftiduft
1 tsk. salt

Þeytið saman sykur og egg þar til létt og ljóst.
Bætið því næst mjólk, „buttermilk“, vanilludropum og bræddu smjöri saman við. Til þess að útbúa buttermilk er mjólk hellt í skál og 1-2 tsk. sítrónusafi settar saman við og látið standa í um 5 mínútur.
Sigtið hveitið og blandið því ásamt lyftidufti og salti varlega saman við blönduna.
Þetta voru alveg um 25+ vöfflur og dugði vel fyrir tvær stórar fjölskyldur.