Eldaði 80 manna paellu fyrir ástina sína

Eldaði 80 manna paellu fyrir ástina sína

• 5 kg hrís­grjón (ég notaði sus­hi grjón sem ég hafði skolað vel og vand­lega)
• 4 lamba­frampart­ar
• 4 msk. yfir holt og heiðar (krydd­blanda merkt mér)
• 1,5 kg rauðvínssalami frá SS
• 1,5 kg svepp­ir
• 8 paprik­ur (blandaðir lit­ir)
• 5 sell­e­rís­stang­ir
• 8 gul­ræt­ur
• 2 rauðir lauk­ar
• 1 heill hvít­lauk­ur
• 8 l kjúk­linga­soð
• 2 l lamba­soð
• 250 g smjör
• 100 ml jóm­frúarol­ía
• salt og pip­ar
• 3-4 hand­fyll­ir blandaðar kryd­d­jurtir (basil, stein­selja)

Aðferð:

1. Ég þurfti að fá liðsauka í all­an skurðinn - lauk­ur, sell­e­rí, gul­ræt­ur og hvít­lauk­ur, allt hakkað niður og sett í skál­ar. 
   
2. Ég ákvað að nota rauðvínssalami í „ís­lensku“ paell­una - þetta er bragðmik­il pylsa með rauðvín­skeim sem er ljúf­feng bara niður­skor­in - en er líka fantagóð steikt.
   
3. Ég pantaði fjóra framparta en hann er eig­in­lega minn upp­á­halds­biti - mér finnst hann al­veg dá­sam­leg­ur lang­eldaður - kjötið er vel fitu­ríkt og það trygg­ir líka að lamba­bragðið skili sér.
4. Svo var bara að skerpa hníf­ana og bretta upp erm­arn­ar og byrja að skera kjötið frá bein­un­um. Og það er miklu auðveld­ara en marg­ir myndu kannski halda. Bara að elta beinið með beitt­um hnífsodd­in­um.
   
5. Svo þarf að reyna að hreinsa kjötið af bein­un­um eins og vel og maður get­ur. Bein­in er gott að geyma til að nota t.d. í lamba­soð. Eða bara til að velta upp úr smá olíu, salta og pipra og rista í blúss­heit­um ofni þangað til að það hef­ur brún­ast. Og svo er bara að naga beinið!
   
6. Það næst fullt af kjöti af ein­um framparti - bara að halda áfram þangað til all­ir fjór­ir eru komn­ir. 
   
7. Fyr­ir ís­lensku paell­una bræddi ég smjör á pönn­unni og svo kar­mell­isseruðum við svepp­ina í um 20 mín­út­ur. Gætið þess að salta og pipra. Síðan voru þeir sett­ir til hliðar.
   
8. Næst var að krydda lambið með salti og pip­ar og svo þess­ari ljúf­fengu blöndu sem ég, Ólöf og Omry hjá Krydd- og tehús­inu erum að gera sam­an.
   
9. Næst er að brúna lambið að utan - og setja svo til hliðar. 
   
10. Fyr­ir Paella Valenciana byrjaði ég á því að steikja bei­kon í nóg af jóm­frúarol­íu og setja svo til hliðar.
    
11. Næst var að brúna kjúk­ling­inn að utan vand­lega. Auðvitað þarf að salta hann og pipra.
    
12. Rétt fyr­ir klukk­an fjög­ur barst mér liðsauki. Kunn­ingi minn Þorkell Harðar­son lánaði mér paellupönn­una sína sem er 90 cm í þver­mál - það er sko hægt að elda á henni!
    
13. Fyr­ir þá ís­lensku byrjaði ég á því að brúna niður­skorna pyls­una vand­lega.
14. Þá var að steikja allt græn­metið - fyrst lauk­inn, hvít­lauk, sell­e­rí, gul­ræt­ur og púrru þangað til það var mjúkt og ilm­andi.
    
15. Næst voru það paprik­urn­ar - það er bara eitt­hvað sem gleður mann við að sjá alla þessa liti.
    
16. Gerði það sama á stóru pönn­unni, nema hvað ég sleppti púrr­unni. 
    Svo ýtti ég öllu græn­met­inu út í jaðrana. Setti svo hrís­grjón­in á pönn­una.
    
17. Og svo er bara að blanda.
18. Blanda svo lamb­inu, svepp­un­um og pyls­un­um sam­an við ís­lensku paell­una.
19. Fyr­ir þá spænsku setti ég kjúk­ling­inn, bei­konið og svo saffranið sam­an við auk 8 lítra af kjúk­linga­soði.
20. Stóra pann­an tók vand­ræðalaust við 10 l af soði.
21. Í þá spænsku bætti ég svo kræk­lingi sem ég fékk fersk­an. Og svo ris­arækj­um og sítr­ón­um.
22. Því næst bætti ég við fullt af fersk­um smátt söxuðum kryd­d­jurt­um - basil, stein­selju og fersku or­egano.