Matur | mbl | 30.10.2017 | 13:06 | Uppfært 20:29

Mexíkó kjúklingasúpa með tómötum

Þægilegt er að elda súpur í steypujárni. mbl.is/Árni Þór Árnason

Mexíkó kjúklingasúpur eru í gríðarlegu uppáhaldi hjá landsmönnum ef marka má vinsældir þeirra hér á Matarvefunum. Við erum því alltaf til í nýjar útfærslur af þessum magnaða rétti sem er svo einfaldur en í senn svo flókinn - svona hvað varðar bragð.

Þessi uppskrift er eftir Árna Þór Árnason lítur vel út svo að ekki sé meira sagt. Til að toppa herlegheitin er uppskriftin jafnframt aðgengileg á myndbandi en það hjálpar alltaf til. Myndbandið er hægt að nálgast hér.

En súpan er skotheld enda erfitt að klúðra uppskrift sem inniheldur rjómaost!

Mexíkósk kjúklingasúpa

Þessi uppskrift dugar fyrir 4-5

400 g kjúklingakjöt
1 msk. olía
1 stk. laukur
6 stk. plómutómatar skornir í bita
100 g blaðlaukur smátt saxaður
1 stk. rauð paprika smátt söxuð
1 stk. grænt chili fínt saxað
2 tsk. paprikuduft
3 msk. tómatpúrra
1½ l kjúklingasoð (vatn og teningur)
2 dl salsa sósa
100 g rjómaostur

Meðlæti í súpuna

sýrður rjómi
nachos flögur
rifinn ostur

Aðferð:

Steikið saman í olíu kjúklingakjötið, laukinn, blaðlaukinn, paprikuna, grænt chilli og plómutómatana.
Bætið í paprikudufti og tómatpurré, blandið vel saman. Hellið saman við kjúklingasoðið og látið sjóða í 15-20 mí.n við vægan hita.
Bætið salsasósu í súpuna ásamt klípum af rjómaostinum. Látið sjóða í 3-5 mín. við vægan hita. Berið súpuna fram með sýrðum rjóma, nachos-flögum og rifnum osti.