Matur | mbl | 31.10.2017 | 15:58 | Uppfært 17:30

Oreo-ostakaka með nýrri íslenskri vanillumjólk

Girnilegar ostakökur en skemmtilegt er að bera þær fram í glasi eins og hér sést. mbl.is/MS

Allir þeir sem hafa hárreytt sig yfir því að eiga ekki vanillubragðefni eða annað því um líkt þegar skella skal í þeyting geta nú tekið gleði sína því á næstu dögum er væntanleg í verslanir Vanillublanda sem er bragðbætt nýmjólk.

Blandan er með sætum vanillukeim og mun koma sér ansi vel á mörgum heimilum.

Hér erum við með uppskrift þar sem notast er við Vanillublönduna en það er matarbloggarinn Gígja S. Guðjónsdóttir sem á heiðurinn af henni.

Oreo-ostakaka með nýrri íslenskri vanillumjólk

Vanilluostakaka með oreo-kexi Uppskrift fyrir 4-6

300 g rjómaostur
1 pakki Royal-búðingur með vanillu
400 ml Vanillublanda
12 Oreo-kexkökur
Jarðarber og rjómi fyrir toppinn

Aðferð:

Rjómaostinum og Vanillublöndunni er hrært saman í hrærivél. Næst fer búðingsduftið út í og hrært vel þar til allir kekkir eru farnir og blandan er orðin silkimjúk.
Oreo-kex er mulið og kexið og ostakökublandan sett til skiptis í skál eða glas.
Kökuna þarf að setja inn í ísskáp og kæla í minnst 30 mínútur áður en hún er borin fram.
Desertinn er síðan hægt að skreyta að vild og t.d. er gott að nota þeyttan rjóma, jarðarber og mulið Oreo-kex.