Uppskrift að vatnsdeigsbollum
Bollur eru bestar!
Styrmir Kári
Setja bókamerki
Það er töluverð kúnst að gera vatnsdeigsbollur eins og undirrituð getur vitnað um en eitt árið gerði ég þrjár misheppnaðar tilraunir áður en einhver kom mér til bjargar.
Lykilatriðið er að fylgja leiðbeiningunum í einu og öllu og bíða með allt „free-style“ þar til þú hefur öðlast vald á uppskriftinni.
Þessi uppskrift kemur frá Thelmu Þorbergs sem bloggar inn á Gott í Matinn. Ef að Thelma ber ábyrgð á uppskriftinn má gæðavotta hana og gott betur.
Það ætti því enginn að klikka á vatnsdeigsbollunum í ár.
Uppskrift að vatnsdeigsbollum
Vatnsdeigsbollur:
2 dl vatn
100 g smjör
2 dl hveiti
¼ tsk. salt
3 stk. egg
Fylling:
þeyttur rjómi, sulta og glassúr
- Þessi uppskrift gerir um 15 bollur.
- Sjóðið vatn og smjör saman í potti þar til smjörið hefur bráðnað. Blandið hveitinu og saltinu saman við og hrærið rösklega þar til deigið sleppir pottinum og myndar kúlu úr deiginu.
- Takið pottinn af eldavélinni, setjið deigið í aðra skál og látið kólna örlítið.
- Þegar deigið hefur náð stofuhita er eggjunum bætt saman við, einu í senn og hrært varlega á milli með hrærivél.
- Setjið smjörpappír á ofnplötu.
- Setjið deigið í sprautupoka og sprautið því á plötuna með jöfnu millibili.
- Bakið við 200 gráðu hita í 20 mínútur, passa þarf að opna ofninn alls ekki fyrstu 15 mínúturnar af bakstirnum. Látið bollurnar kólna alveg áður en sett er á þær.
- Hitinn á bakaraofnum er mjög mismunandi, ef ykkur finnst bollurnar vera að brúnast heldur fljótt er gott að lækka hitann í 170 gráður eftir 5 mínútur.
- Klassíska fyllingin er þeyttur rjómi, sulta og glassúr auk þess sem bollurnar eru toppaðar með glassúr.
Ekki alveg rétti tíminn til að fækka úrræðum
Það má ekki gleyma sögu mislingafaraldra
Kvarta undan Virðingu til Samkeppniseftirlitsins
Ákvörðun um atkvæðagreiðslu tekin á morgun
Þögn, sprengingar og aftur þögn
Kannski tilefni til að endurskoða heimildir
Kastaði hellubroti í höfuðið á grandalausum manni