Seiðandi tælenskt fiskikarrí

Seiðandi taí­lenskt fiskik­arrí með brún­um basmati-hrís­grjón­um
Fyr­ir fjóra

• 1 kg af blönduðum fiski - lax, langa og rækj­ur
• 250 g blóm­kál
• 1 dós af kókós­mjólk
• 100 ml vatn
• 2 msk. jóm­frúarol­ía
• 1 tsk. fiskikraft­ur
• 2 msk. rautt taí­lenskt karrí
• 1/​2 rauður chili pip­ar
• 5 cm engi­fer
• 2 hvít­lauks­geir­ar
• 1/​2 rauðlauk­ur
• salt og pip­ar
• 200 g brún hrís­grjón
• 1 ten­ing­ur kjúk­lingakraft­ur

Aðferð:

1. Setjið hrís­grjón­in í pott með nógu vatni. Hrærið kjúk­lingakraft­in­um sam­an við. Þegar þau eru til­bú­inn - hellið vatn­inu frá.
2. Skerið lauk­inn, chili, engi­fer og hvít­lauk smátt og steikið í jóm­frúarol­í­unni þangað til allt er fal­lega mjúkt og ilm­andi. 
3. Sneiðið fisk­inn niður í munn­bita­stóra bita og hafið á hliðarlín­unni þangað til  sós­an er til­bú­in.
4. Blandið kó­kos­mjólk­inni og vatn­inu sam­an við og hitið að suðu.
5. Setjið svo karríið sam­an við. Blandið vand­lega sam­an við ásamt fiskikraft­in­um. 
6. Næst er að setja blóm­kálið sam­an við sós­una og látið krauma í sjö til tíu mín­út­ur.
7. Bætið svo fisk­in­um sam­an við - hann þarf ekki lang­an tíma - sjö mín­út­ur eða svo ættu að duga. 
8. Rétt áður en hrís­grjón­in eru til­bú­in, bætið þið rækj­un­um sam­an við sós­una - þær þurfa ekki nema tvær mín­út­ur eða svo. 
9. Ef þessi sósa er ekki girni­leg - þá veit ég ekki hvað?
10. Setjið hrís­grjón­in á disk og setjið svo rausn­ar­leg­an skammt af fisk­in­um yfir grjón­in. Skreytið með kórí­and­er - þ.e.a.s. fyr­ir þá sem eru ekki með of­næmi fyr­ir kórí­and­er.