Matur | mbl | 26.3.2018 | 12:01

Ofnbakaður lax með hrísgrjónum og mango jalapeno sósu

Lax á alltaf vel við. mbl.is/

Einn tveir og elda hefur farið mikinn á máltíðamarkaðinum undanfarnar vikur og hafa viðtökurnar verið ákaflega góðar. Reyndar kemur það lítið á óvart þar sem það er afskaplega þægilegt að þurfa ekki að ákveða hvað á að vera í kvöldmatinn.

Hér gefur að líta einstaklega skemmtilega og bráðholla uppskrift að ofnbökuðum laxi sem enginn ætti að láta framhjá sér fara.

Ofnbakaður lax með hrísgrjónum og mango jalapeno sósu

Ofnbakaður lax með hrísgrjónum og mango jalapeno sósu fyrir tvo

360 gr lax (tveir bitar)
15 gr kryddblanda (paprika, pipar, salt, basil, oregano jafnt hlutafall af öllu)
100 gr hrísgrjón
½ stk brokkólí
50 gr mango
10 stk jalapeno sneiðar
50 gr sykur

Aðferð:

Hrísgrjónin eru sett í pott ásamt 2 dl af vatni og kryddað með ½ tsk salti og soðið í ca 15 mínútur.
Laxinn er kryddaðu og settur í eldfast mót öelítilli ólivuolíu hellt yfir og bakaður við 180¨c í ca 12 mínútur
Mangóið og jalapenjóið er skorið í smá bita, Ólívu olía sett í pott og hituð jalapenjóinu og mangóinu hellt úti og látið krama í smá stund því næst er sykrinum helt úti ásamt 1 dl af vatni og soðið niður í ca 10 mínútur eða þar til orðið að sýróps þykkt .
Vatn sett í pott ásamt ólivuolíu og salti þegar suðan kemur upp er grófskornu brokkolíinu skelt útí og soðið í ca 3 mínútur þá tekið upp úr og sigtað frá vatninu.
Nú á allt að vera orðið orðið klárt og sett fallega á diskinn og sósan sett í kring. Þessi réttur er einfaldur og alveg hrikalega ferskur og mikið vor í honum, skemtilegt tvist sem kemur frá mangóinu og jalapenjóinu.