Sætkartöflu-súkkulaðikaka

1. For­hitið ofn­inn í 175 gráður

2. Blandið sam­an í mat­vinnslu­vél eða bland­ara sæt­um kart­öfl­um, vatni, aga­ve sýrópi, bal­samic ed­iki & vanillu­drop­um þangað til bland­an er silkimjúk.

3. Sigtið sam­an þur­refn­in í stóra skál, nema súkkulaðið, það má fara beint í skál­ina, og hrærið sæt­kart­öflu­blönd­una sam­an við.

4. Skiptið deig­inu í tvö form sem búið er að smyrja með kó­kosol­íu og bakið svo í 20-25 mín­út­ur, fer eft­ir ofn­in­um.

5. Látið formin kólna á grind áður en kak­an er sett sam­an. Ger­um kremið á meðan!

Súkkulaðikrem

1. Blandið sam­an í bland­ara eða mat­vinnslu­vél þangað til silkimjúkt og stillið af þykkt­ina ef þarf með jurtamjólk og sæt­una með kakó eða aga­ve.

2. Látið kólna í ís­skáp þangað til kak­an er sett sam­an.

Kak­an

Það er nóg krem í upp­skrift­inni til að setja lag á milli botn­anna ásamt því að hjúpa kök­una alla. Það er meira að segja nóg til að mega stel­ast í smá smakk.

Kak­an er hér skreytt með súkkulaðihjúpuðum kirsu­berj­um og kó­kos­bit­um og svo er blá­berja­salti sáldrað yfir.