Matur | mbl | 5.4.2018 | 11:02

Karrýgrýta sem bragð er af

Grýtan er girnileg á að líta. mbl.is/Svava Gunnarsdóttir

Grýta nýtur alltaf mikilla vinsælda hér á landi og skyldi engan undra. Hér gefur að líta útgáfu Svövu Gunnars á Ljúfmeti og lekkerheit en uppskriftin er upphaflega úr bókinni Nyfiken Grön en síðan hefur Svava betrumbætt hana og gert að sinni.

Hún segist bera grýtuna fram með naan-brauði og ristuðum kasjúhnetum og að rétturinn sé einstaklega bragðgóður.

Karrýgrýta með grænmeti og linsubaunum (breytt uppskrift úr bókinni Nyfiken Grön)

1 laukur
3 hvítlauksrif
1 sæt kartafla
2 dl rauðar linsubaunir
2 dósir kókosmjólk (400 ml hvor)
2 grænmetisteningar
3-5 dl vatn
1 lítill blómkálshaus
steinselja eða kóriander (má sleppa)
salt og pipar
þurrristaðar kasjúhnetur til að setja yfir réttinn (má sleppa)

Aðferð:

Afhýðið og hakkið lauk, hvítlauk og sætu kartöfluna.
Mýkið í olíu ásamt karrý og linsubaunum í rúmgóðum potti.
Hrærið vel í pottinum á meðan svo ekkert brenni við.
Hellið kókosmjólk og vatni yfir og bætið grænmetisteningunum saman við. Látið sjóða undir loki í 10 mínútur.
Skerið blómkálið í bita og bætið í pottinn. Látið sjóða áfram í um 5 mínútur.
Smakkið til með salti og pipar.
Stráið steinselju yfir áður en rétturinn er borinn fram.