LKL kjúklingur með avókadó og lime
Setja bókamerki
Lágkolvetnafæði nýtur mikilla vinsælda og skyldi engan undra. Hér gefur að líta eins gómsæta uppskrift að kjúklingi með avókadó, lime og tómatsalsa.
Rétturinn er fljótlegur í framkvæmd og er heppilegur við flest tilefni - þá ekki síst þegar gera á vel við sig með bragðgóðum mat sem er um leið kolvetnasnauður.
Uppskriftin kemur úr smiðju snillinganna í Einn, tveir og elda enda hafa LKL pakkarnir frá þeim notið mikilla vinsælda.
LKL kjúklingur með avókadó og lime
LKL kjúklingur með avókadó og lime
Fyrir tvo
- 400 g úrbeinuð kjúklingalæri
- 1 stk avókadó
- 100 g kirsuberjatómatar
- 2 tsk Mexíkó kryddblanda
- ½ lime
- ½ dl ólífuolía
Aðferð:
1. Byrjið á að hita ólífuolíu á pönnu. Kryddið kjúklinginn með mexíkó kryddblöndunni og steikið á vel heitri pönnunni í um það bil 2 mínútur á hvorri hlið.
2. Leggið kjúklinginn í eldfast mót og setjið í 180°c heitan ofn í um það bil 8 mínútur eða þar til fulleldaður.
3. Skerið tómatana í tvennt og setjið í skál.
4. Skerið avókadóið langsum, fjarlægið steininn, afhýðið og skerið í litla bita. Bætið avókadóinu í skálina með tómötunum.
5. Setjið ½ dl af ólífuolíu í tómat- og avókadó blönduna ásamt klípu af pipar og kreistum lime safa úr ½ lime. Blandið þessu vel saman og berið fram ásamt kjúklingalærunum.
Segir kröfu um íslenskukunnáttu raunhæfa
Fasteignamat hækkar um 9,2% milli ára
Ekki viðlíka hækkanir á orkuverði í 14 ár
Verðlækkanir ekki að skila sér til almennings
Þarf pening til að fjármagna mistökin
„Mikil rannsóknarvinna í gangi“
Í góðum takti við það sem við var að búast
Árásin heiftúðleg, vægðarlaus og tilefnislaus