Súkkulaðikaka sem er bara fyrir fullorðna

Synd­sam­lega góð rauðvíns-súkkulaðikaka

Í kök­una fer:

• ¾ bolli rauðvín
• ½ bolli kakó
• 1 og ¾ bolli hveiti
• 1 og ¾ bolli syk­ur
• 1 og ½ tsk. mat­ar­sódi
• 1 tsk. salt
• 7 stór egg
• ½ bolli olía
• ¼ tsk. vín­steins­lyfti­duft

Í glassúr­inn fer:

• 200 gr. dökkt súkkulaði
• ½ bolli flór­syk­ur
• ½ bolli rauðvín (við mæl­um með Pinot Noir)
• ½ tsk. salt
• ¼ bolli smjör

Aðferð

1. Hitið rauðvínið í ör­bylgju á hæstu hitastill­ingu í um eina mín­útu. Bætið þá kakó­inu sam­an við og hrærið þar til kakóið hef­ur bland­ast rauðvín­inu vel. Leggið skál­ina til hliðar og leyfið blönd­unni að kólna.
   
   
2. Takið stóra skál og blandið sam­an hveiti, sykri, mat­ar­sóda og salti. Aðskiljið eggj­ar­auðurn­ar og hvít­urn­ar. Takið aðra skál og blandið í hana eggj­ar­auðum og olíu. Bætið því svo sam­an við þur­refn­in og skellið rauðvíns-kakóblönd­unni út í. Hrærið vel og vand­lega þar til deigið er mjúkt og laust við kekki.
   
   
3. Takið stóra skál og þeytið sam­an eggja­hvít­ur og vín­steins­lyfti­duft þar til eggja­hvít­urn­ar verða vel stíf­ar. Blandið því næst þeyttu eggja­hvít­un­um var­lega sam­an við deigið með sleikju þar til eng­ar hvít­ar rák­ir sjást leng­ur í deig­inu.
   
   
4. Takið köku­form og smyrjið að inn­an með feiti. Hellið deig­inu í formið og bakið við 165 gráður í 55-60 mín­út­ur. Leyfið kök­unni að kólna vel í form­inu að bakstri lokn­um. Gott er að renna hníf meðfram brún­um móts­ins og hrista mótið svo gæti­lega til að losa um kök­una.
   
   
5. Þá er að búa til rauðvíns­glassúr. Bræðið sam­an súkkulaði, smjör og salt yfir vatnsbaði (eða í ör­bylgju­ofni) og hrærið þar til það er vel blandað. Hrærið þá flór­syk­ur­inn sam­an við. Hitið rauðvínið í potti þar til það rétt sýður. Hrærið þá rauðvín­inu var­lega sam­an við súkkulaðiblönd­una. Leyfið glassúrn­um að standa í um 10 mín­út­ur til að stífna ör­lítið áður en hon­um er skellt yfir kök­una. Leyfið rauðvíns­glassúrn­um að renna ofan á kök­una og niður með hliðunum.
   
   
6. Njótið með góðu glasi af rauðvíni og þeytt­um rjóma.