Þessi rétt­ur er ákaf­lega ein­fald­ur en þess eðlis að all­ir í fjöl­skyld­unni ættu að kol­falla fyr­ir hon­um. Það er að minnsta kosti það sem Svava Gunn­ars á Ljúf­meti og lekk­er­heit seg­ir og sjald­an seg­ir sá snill­ing­ur ósatt.

Upp­skrift­in er afar bragðgóð og að sögn Svövu afar fjöl­skyldu­væn og fljót­leg.

Mat­ur­inn sem all­ir í fjöl­skyld­unni elska

Vista Prenta

Kart­öflugratín með nauta­hakki

• 500 g nauta­hakk
• 1 msk. smjör
• 1 lauk­ur
• 1 hvít­lauksrif
• 1 msk. tóm­at­pu­ré
• 1 dós hakkaðir tóm­at­ar (400 g)
• 1 msk. kálfa­kraft­ur
• salt og pip­ar
• or­egano, þurrkað
• 10 kart­öfl­ur
• 2 dl rjómi
• 2 dl rif­inn ost­ur

Aðferð:

1. Steikið nauta­hakkið í smjöri. Afhýðið og hakkið lauk­inn og steikið hann með nauta­hakk­inu í nokkr­ar mín­út­ur. Pressið hvít­lauk sam­an við og hrærið tóm­at­pu­ré sam­an við.
2. Bætið hökkuðum tómöt­um og kálfa­krafti á pönn­una og látið sjóða við væg­an hita í 15 mín­út­ur. Smakkið til með salti, pip­ar og or­egano.
3. Afhýðið kart­öfl­urn­ar og skerið í strimla eða skíf­ur. Setjið helm­ing­inn af kart­öfl­un­um í smurt eld­fast mót. Setjið nauta­hakkið yfir og leggið seinni helm­ing­inn af kart­öfl­un­um yfir. Hellið rjóma yfir og kryddið með salti og pip­ar. Setjið álp­app­ír yfir og setjið í 200° heit­an ofn í 25 mín­út­ur. Takið þá álp­app­ír­inn af, stráið rifn­um osti yfir og setjið aft­ur í ofn­inn í 20 mín­út­ur.