Brasilískur fiskréttur sem bráðnar í munni

Í fiskinn fer:

• 500 gr. hvítur fiskur á borð við þorsk eða ýsu
• 1 msk. límónusafi
• ¼ tsk. salt
• svartur pipar
• 1 msk. ólífuolía

Í soðið fer:

• 1 og ½ msk. ólífuolía
• 2 hvítlauksgeirar
• 1 lítill laukur
• 1 stór rauð paprika
• 1 og ½ msk. sykur
• 1 tsk. kúmínkrydd
• 1 msk. paprikukrydd
• 1 tsk. cayenne pipar
• ½ tsk salt
• 400 ml. kókosmjólk
• 400 ml. niðursoðnir tómatar
• 1 bolli fiskikraftur

Ofan á diskinn fer:

• 1 msk. límónusafi
• 3 msk. gróft saxað kóríander

Aðferð

1. Skerið fiskinn í bita og setjið í skál. Leyfið honum að marinerast þar í límónusafa, salti og pipar. Gott er að setja klessuplast yfir skálina og stinga henni inn í ísskáp í 20 mínútur.
   
   
2. Hitið stóra pönnu og setjið eina msk. af ólífuolíu á pönnuna. Bætið fiskinum út á pönnuna og steikið þar til hann er rétt eldaður. Takið hann þá af pönnunni og geymið á diski.
   
   
3. Bætið þá við annarri msk. af ólífuolíu á pönnuna og hafið hana á meðalhita. Saxið hvítlauk og lauk smátt og steikið á pönnunni þar til laukurinn er orðinn vel mjúkur. Bætið þá við saxaðri papriku.
   
   
4. Því næst má bæta við sykri , kúmín, paprikukryddi, cayanne pipar, salti, kókosmjólk, niðursoðnum tómötum og einum bolla af fiskikrafti. Gott er að leysa upp einn tening af fiskikrafti í einum bolla af soðnu vatni. Leyfið þessari sósu að krauma í 15-20 mínútur eða þar til hún fer að þykkna. Það má svo bæta við pipar og salti eftir smekk.
   
   
5. Að lokum skal bæta fiskinum við sósuna á pönnunni og elda í um tvær mínútur. Því næst má hræra límónusafanum við.
   
   
6. Berið fram með soðnum hrísgrjónum og saxið handfylli af kóríander og sáldrið yfir fiskréttinn. Njótið!