Ofureinfalt kjúklinga Alfredo pasta

• 2 msk extra-virgin olífuolía
• 2 kjúklingabringur
• sjávarsalt
• nýmalaður svartur pipar
• 360 ml mjólk
• 360 ml kjúklingasoð
• 2 hvítlauksgeirar, maukaðir
• 230 g fetuccini
• 120 ml rjómi
• 1 bolli nýrifinn Parmesan 
• Fersk steinselja – söxuð (til skrauts)

Aðferð:

1. Hitið olíu á pönnu. Steikið kjúklinginn og kryddið með salti og pipar. Eldið uns gyll og fullelduð í gegn eða 8 mínútur á hvorri hlið. Setjið á disk og látið hvíla um stund. Skerið svo í sneiðar.
2. Setjið mjólkina, kjúklingasoðið og hvítlaukinn á pönnuna. Kryddið með salti og pipar og látið suðuna koma upp. Bætið þá pastanu saman við og hrærið reglulega í 3 mínútur eða svo. Látið svo malla í 8 mínútur til viðbótar eða eins lengið og þarf til að pastað sé eins og þið viljið.
3. Bætið þá rjóma og parmesan saman við og hrærið uns blandað. Látið malla í 2 mínútur til viðbótar eða þar til sósan fer að þykkna. Kryddið með salti og pipar.
4. Takið pönnuna af hellunni og hrærið kjúklingnum saman við. Berið strax fram með steinseljunni.