Frábær fiskréttur úr smiðju Gísla Auðunns
Setja bókamerki
Gísli Auðunn á Slippnum í Vestmannaeyjum er þekktur fyrir óvenulega og frumlega nálgun á hráefni. Hann gefur okkur hér uppskrift af sólkola með smjörsósu en vissulega er hægt að nota hvaða fisk sem er enda allt gott með smjörsósu.
Frábær fiskréttur úr smiðju Gísla Auðunns
Sólkoli með smjörsósu
Fyrir 4
Sólkoli
- 4 litlir sólkolar, einn á mann
- smá hvítlaukur
- timían
- góð smjörklípa
- salt
Verkið sólkolann þannig að beinagarðurinn er tekinn innan úr en halinn og hausinn látnir vera. Saltið því næst fiskinn og steikið á pönnu upp úr olíu, smá hvítlauk og timían. Bætið svo smjöri á pönnuna þar til það er orðið gyllt. Setjið fiskinn inn í 180°C ofn í ca. 6-8 mínútur eftir þykkt.
Smjörsósa
- 100 ml fiskisoð (má sleppa)
- 100 ml hvítvín
- 250 g smjör
- smá salt
- sítrónusafi
Sjóðið fiskisoð og hvítvín niður í síróp, skerið smjör í búta og bætið við einum bita í einu með töfrasprota. Kryddið með salti og sítrónu.
Strandarjurtir
Hægt er nota mismunandi strandarjurtir sem vaxa á ströndum landsins, fjöruarfa, blálilju og annað slíkt. Gufusjóðið í 10 sekúndur og kryddið með góðri olíu, ediki og salti.
Hvannarolía
- 200 g fersk hvönn
- 200 ml grænmetisolía (bragðlaus)
Setjið í blandara og vinnið í ca. 10 mínútur. Sigtið í gegnum fínt sigti.
Berið fram með góðum kartöflum og pikkluðum lauki.
Varðhald framlengt á grundvelli almannahagsmuna
Árásin heiftúðleg, vægðarlaus og tilefnislaus
Veiðigjaldafrumvarpið muni hafa neikvæð áhrif
„Allt í einu ertu versta manneskja í heimi“
Byggingarleyfi án grenndarkynningar
Ekki viðlíka hækkanir á orkuverði í 14 ár