Döðlukaka með heitri karamellusósu

Hitið ofninn í 170°C. Hrærið egg og hrásykur saman í um 10 mínútur. Setjið döðlur í pott og vatn út í svo rétt flýtur yfir döðlurnar. Látið suðuna koma upp og bætið smjöri saman við. Slökkvið undir og látið standa í nokkrar mínútur.

Bætið döðlum ásamt vökva saman við eggjablönduna. Bætið spelthveiti, lyftidufti og salti saman við og hrærið aðeins. Setjið bökunarpappír í form, smyrjið og hellið deiginu í formið. Bakið í 40 mínútur. Kakan á að vera aðeins blaut.

Karamellusósa

Setjið hrásykur í pott og hitið þar til hann verður gullinbrúnn. Bætið þá öðru hráefni út í og látið sjóða þar til hæfilega þykkt. Hellið yfir kökuna. Best er að bera kökuna fram með heitri karamellusósu, berjum, þeyttum rjóma eða ís.