Ketó-lax með spínatsmjöri og fersku steiktu rósakáli
Setja bókamerki
Það er enginn annar en Gunnar Már Sigfússon sem á þessa uppskrift en hann segir að það sé vart hægt að finna ketóvænni rétt. „Hér höfum við alls kyns tegundir af fitu bæði í próteinhlutanum og meðlætinu. Ferskt rósakál er orðið heitasta „áður hataða“ grænmetið í dag og bragðast guðdómlega með ostinum, smjöri og klípu af salti,“ segir Gunnar um þennan frábæra rétt.
/frimg/1/6/90/1069010.jpg)
Ketó-lax með spínatsmjöri og fersku steiktu rósakáli
Ketó-lax með spínatsmjöri og fersku steiktu rósakáli
- Uppskrift fyrir: 2
- Eldunartími: 15 mín.
Hráefnin
- 400 gr. ferskur lax
- salt og svartur grófur pipar
- 30 gr. smjör (mjúkt)
- 1 lúka ferskt spínat
- 300 gr. ferskt rósakál
- smjör
- 2 msk. ferskur parmigiano
Það sem þú þarft að hafa við hendina er steikarpanna, bretti og hnífur
Stilltu ofninn á 160° og yfirhita
Aðferð
1. Byrjaðu á að skera laxinn í tvo jafna hluta og steiktu hann á vel heitri pönnu í olíu og kryddaðu með salti og pipar eða kryddi að eigin vali. Settu laxinn í eldfast mót og inn í ofn í 10 mínútur og snúðu þér að meðlætinu.
2. Skerðu rósakálið í fjóra hluta og steiktu á vel heitri pönnu í 1 góðri matskeið af smjöri. Þegar það hefur fengið góðan lit lækkaðu þá hitann, kryddaðu með salti og leyfðu því að malla áfram á vægum hita þar til laxinn er tilbúinn.
3. Saxaðu spínatið mjög smátt og hrærðu saman við smjörið. Settu í kæli þar til allt er klárt.
4. Færðu rósakálið á diskinn og raspaðu ferskan Parmigiano yfir. Settu laxinn upp á diskinn, kryddsmjörið yfir og njóttu.
Þriggja daga þjóðarsorg lýst yfir
Vann á nóttunni til að hugsa um barnið á daginn
Rjúpan dafnar en krían hrynur
Tilkynningum um nauðgun fjölgar
Stórgræddi á sölu íbúðarinnar til sendiráðsins
Allar tiltækar björgunarsveitir taka þátt í leitinni
Bifhjólamenn ósáttir við gjaldið