Kakan sem enginn heldur vatni yfir

Súkkulaðikaka með salt­kara­mellu og poppi

• 3 súkkulaðibotn­ar
• 4 egg
• 400 g syk­ur
• 240 g bráðið smjör
• 80 g kakó
• 400 g hveiti
• 500 g mjólk
• 5 g salt
• 1 tsk. lyfti­duft
• 1 tsk. natron
• 1 tsk. vanillu­syk­ur

Súkkulaðismjörkrem:

• 360 g bráðið súkkulaði
• 450 g mjúkt smjör
• 460 g flór­syk­ur
• 3 tsk. vanillu­syk­ur

Salt­kara­mellusósa

• 2 dl rjómi
• 2 dl flór­syk­ur
• 1 dl dökkt síróp
• 40 g smjör
• 1 tsk. salt

Annað:

• Popp­korn

Aðferð:

1. Súkkulaðibotn­ar: Pískið egg og syk­ur þar til bland­an verður létt í sér. Bætið við bráðnu smjöri. Því næst koma þur­refn­in í til skipt­is við mjólk­ina. Setjið bök­un­ar­papp­ír í þrjú form (23 cm) og stráið smá kakói í botn­inn áður en þið skiptið deg­inu niður í formin þrjú. Bakið í sirka 25 mín­út­ur á 180°, og kælið al­veg.
2. Súkkulaðismjörkrem: Bræðið súkkulaðið í potti og leyfið því að kólna aðeins. Pískið á meðan mjúkt smjörið við flór­syk­ur og vanillu­syk­ur þar til bland­an verður létt í sér. Hellið súkkulaðinu út í og hrærið sam­an. Setjið kremið í kæli þar til það fer á kök­una.
3. Salt­kara­mellusósa: Setjið rjóma, flór­syk­ur og síróp í pott og leyfið suðunni að koma (ró­lega) upp. Haldið áfram að hræra í þar til bland­an verður þykk. Bætið þá smjöri og salti og hrærið þar til kara­mell­an verður þykk í sér. Hellið því næst blönd­unni í loftþétt ílát og setjið í kæli svo hún þykkni aðeins.
4. Svona set­ur þú kök­una sam­an: Leggið fyrsta botn­inn á kökufat og smyrjið góðu lagi af súkkulaðismjörkremi ofan á. End­ur­takið þar til þriðji botn­inn er kom­inn með krem. Blandið smá­veg­is af salt­kara­mell­unni við poppið og setjið ofan á kök­una. Hellið því næst kara­mell­unni yfir alla kök­una svo kara­mell­an leki niður meðfram hliðunum. At­hugið ef kak­an á ekki að ber­ast strax fram er gott að setja hana í kæli svo smjörkremið verði ekki of lint.