Ofureinfaldar og undurfagrar bollakökur
Setja bókamerki
Það er bara eitthvað við Kinder Bueno sem gerir það að verkum að það er einstaklega erfitt að hætta að slafra því í sig þegar maður byrjar. Því fannst mér tilvalið að búa til Kinder Bueno-bollakökur sem eru stútfullar af þessu ávanabindandi súkkulaði.
Þessar verðið þið að prófa. Ofureinfaldar, gómsætar, ómótstæðilegar og undurfagrar. Getur maður beðið um meira?
Bollakökur
Um það bil 12 dásemdarhnoðrar
- 175 g mjúkt smjör
- 3/4 bolli ljós púðursykur
- 3 stór egg
- 1 1/8 bolli hveiti
- 1 tsk. vanilludropar
- 1 msk. Nutella
- 2-3 msk. mjólk
- 100 g Kinder Bueno, mulið
Hitið ofninn í 170°C og takið til múffuform. Blandið smjöri og púðursykri mjög vel saman og bætið því næst eggjum, hveiti, vanilludropum og Nutella vel saman við.
Ef deigið er of þykkt er hægt að bæta smá mjólk saman við. Blandið Kinder Bueno varlega saman við með sleif eða sleikju.
Deilið á milli múffuforma og bakið í 18-20 mínútur. Leyfið kökunum að kólna.
Krem
- 150 g mjúkt smjör
- 2½ bolli flórsykur
- 100 g Kinder Bueno, mulið (plús meira til að skreyta með)
- 1-2 msk. mjólk
Þeytið smjörið í 3-4 mínútur og blandið því næst flórsykrinum saman við. Blandið mjólkinni saman við þar til þykktin á kreminu er ásættanleg.
Blandið Kinder Bueno varlega saman við með sleif eða sleikju og skreytið kökurnar.
Þessar eiga eftir að hverfa fljótt!
/frimg/1/53/1/1530164.jpg)
Án fordæma á lýðveldistímanum
65 fyrirtæki með 11,1 milljarð í skattafrádrátt
Nauðsynlegt að áfrýja dómnum
„Gríðarlega jákvæðar fréttir“
Skrítið að enn er bara eitt úrræði í boði
Kennarar hafa hafnað tveimur tilboðum
„Þetta er auðvitað mjög alvarlegt mál“
Erfitt að rifja atvikið upp
