Snúðar sem vekja alls staðar lukku

Snúðar sem vekja alls staðar lukku

• 10 g ger
• 2 dl mjólk
• 50 g smjör
• 1 egg
• 1 tsk hafsalt
• 50 g rúg­mjöl
• 150 g heil­hveiti
• 150-200 g hveiti

Fyll­ing:

• 4 gul­ræt­ur, soðnar þar til mjúk­ar
• 40 g smjör
• 1 daðla eða 1 msk hun­ang
• 1 tsk kanill

• 1 egg, pískað til að pensla á snúðana

Aðferð:

1. Deig: Stráið geri yfir mjólk í skál og hrærið í þar til gerið er upp­leyst. Bræðið smjör í potti og bætið út í ásamt eggi, salti og rúg­mjöli. Hrærið vel sam­an og bætið því næst hveil­hveiti og hveiti smám sam­an út í á meðan hrært er í deig­inu. Deigið á að vera mjúkt en ekki of klístrað. Breiðið hreint viska­stykki yfir skál­ina og leyfið deig­inu að taka sig í klukku­tíma.
2. Fyll­ing: Sjóðið gul­ræt­urn­ar þar til þær eru lin­ar og setjið í bland­ara ásamt öðrum hrá­efn­um. Blandið vel sam­an.
3. Sam­setn­ing: Rúllið deig­inu út í fern­ing, sirka ½ cm á þykkt­ina, og smyrjið deigið með fyll­ing­unni. Leggið deigið sam­an til helm­inga og skerið í sirka 5 cm strimla sem síðan sker­ast til helm­inga og snú­ast hvor upp á ann­an (sjá mynd). Leyfið snúðunum að hef­ast á bök­un­ar­plötu á bök­un­ar­papp­ír í 15 mín­út­ur. Penslið snúðana með pískuðu eggi og bakið við 175° á blæstri í 16-20 mín­út­ur.