Matardiskar eru eins merkilegir og margt annað í eldhússkápunum og ekki skemmir fyrir ef þeir eru fallegir. Það hefur verið áberandi síðustu misseri að sjá einlit „gróf“ matarstell eins og frá hinum góðkunna BITZ sem hefur notið mikilla vinsælda hér á landi.

En það er ekki oft sem við sjáum skrautlega matardiska sem þessa, í það minnsta ekki hér á landi. Þessir eru frá Articture og eru eins litríkir og páfugl! Það er varla að maður tími að setja á þá mat.

Diskarnir þykja forkunnarfagrir enda spurnin eftir þeim mikil og ekki óalgengt að sjá þá á heimilum hinna ríku og frægu.