Matur | mbl | 13.10.2018 | 11:05

Morgunkaka sem tryggir framúrskarandi dag

Það væri svo fullkomið að byrja daginn á eggjaköku með beikoni og aspas. mbl.is/Taste of Home

Það besta við góðar eggjakökur er hvað þær eru auðveldar í framkvæmd og halda maganum mettum í langan tíma. Eggjakaka, eða „frittata“ eins og Ítalir kalla hana, er matreidd á pönnu og líka í ofni sem gerir réttinn extra fullkominn.

Morgunkaka sem tryggir framúrskarandi dag

Eggjakaka með beikoni og aspas

350 g beikon
2 bollar ferskur aspas, skorinn í bita
1 bolli laukur, saxaður
2 stór hvítlauksrif, smátt skorin
10 stór egg, létt pískuð
¼ bolli steinselja, smátt skorin
½ tsk. salt
¼ tsk. pipar
1 stór tómatur, skorinn í þunnar sneiðar
1 bolli cheddar-ostur

Aðferð:

Takið fram pönnu sem þolir að fara í ofn.
Steikið beikon á pönnu og látið fituna leka af á pappír. Ekki hella allri fitunni af pönnunni, skiljið eins og 1 msk. eftir. Steikið þá aspas, lauk og hvítlauk upp úr beikonfitunni þar til laukurinn er orðinn mjúkur.
Skerið beikonið í litla bita en takið einn þriðja til hliðar og restin fer í skál ásamt eggjum, steinselju, salti og pipar.
Hellið eggjablöndunni á pönnuna á meðalhita og hrærið í. Raðið tómatsneiðum yfir ásamt ostinum og restinni af beikoninu. Setjið lok á pönnuna eða álpappír og leyfið réttinum að malla í 10-15 mínútur eða þar til eggin eru næstum tilbúin. Þá fer pannan í 2 mínútur inn í heitan ofn á grill, þar til rétturinn hefur tekið lit. Berið fram strax.