Hann er ekki bara ungur og sætur, heldur brjálæðislega klár í að mastera dásemdir úr súkkulaði. Við erum að tala um Amaury Guichon sem handleikur hráefnið eins og að drekka vatn - hjá honum eru engin mörk.

Amaury ögrar sjálfum sér í starfi og tekst heldur betur vel til, hann hefur unnið til fjölda verðlauna fyrir verk sín og er hvergi nærri hættur. Hann býr til klukkur, egg og áttavita úr súkkulaði svo eitthvað sé nefnt, og það er varla hægt að sjá muninn frá ekta vörunni. Við mælum með því að dreifa huganum í súkkulaðidraumi og skoða Instagram síðuna hans hér.