Matur | mbl | 10.11.2018 | 16:04

Svínalund í sósubaði

Í þessum rétti eru það eplaskífur sem setja stemninguna. mbl.is/Maria P.

Þetta er kannski ekki klassíska uppskriftin að svínalund í rjómasósu því hér er eplum bætt út í og gefa alveg nýjan keim í réttinn sem þó inniheldur ennþá beikon og sveppi.

Svínalund í sósubaði með beikoni og eplum

1 svínalund
1 msk. smjör eða olía
100 g beikon
2 laukar
250 g sveppir
2 rauð epli
2½ dl matvinnslurjómi
2 stór hvítlauksrif
1 búnt af steinselju

Annað:

½ hvítkál
Hrísgrjón

Aðferð:

Fjarlægið ef til vill sinar af lundinni og skerið hana í 2 cm þykkar skífur.
Hitið smjör á pönnu og steikið kjötið við háan hita á báðum hliðum. Leggið kjötið til hliðar á disk.
Skerið beikon, hakkið laukinn og steikið á pönnu. Skerið sveppina niður og setjið út á pönnuna.
Skerið eplin í skífur og blandið þeim ásamt kjötinu saman við hráefnin á pönnunni. Bætið við rjómanum og pressuðum hvítlauk og leyfið aðeins að sjóða. Leyfið blöndunni að malla í 5 mínútur og smakkið til með salti og pipar. Blandið ef til vill vatni út í ef sósan er aðeins of þykk.
Skerið kálið í strimla og setjið í pott með 1 dl vatni og smávegis af salti. Leyfið að gufusjóða í 5 mínútur þar til kálið er orðið mjúkt. Hellið þá vatninu af pottinum og setjið kálið í fat. Hellið réttinum yfir og dreifið saxaðri steinselju yfir. Berið fram með hrísgrjónum.