Við elskum allar nýjungar sem tengjast eldhúsinu. Jafnvel brauðkörfur fá okkur til að staldra við og skoða aðeins nánar, en það voru að koma nýjar slíkar frá HAY hannaðar af hinni frönsku Inga Sempé.

Vörulínan heitir Panier og finnst í ótal litum, formum og stærðum – sem sagt eitthvað fyrir alla. Munstrið í körfunum á að endurspegla brauðmylsnurnar sem eftir verða á borðinu eftir dögurð. En það var eitt af því sem heillaði Sempé hvað mest er hún hannaði körfurnar, þessi óreglulegu form í mylsnunum. Körfurnar eru alls ekki bundnar eldhúsinu því þær má nýta í öðrum rýmum hússins eins og baðherbergi og skrifstofu svo eitthvað sé nefnt.