Matur | mbl | 20.1.2019 | 14:04

Ketó kaka sem reyndist algjörlega frábær

mbl.is/Hanna Þóra

Það er ekkert grín að vera á ketó og þrá bara köku! Hanna er hins vegar búin að leysa það snilldarvel og hér gefur að líta ketó köku sem er algör snilld. Sjálf segir Hanna um kökuna:

„Það hefur verið smá erfitt að finna ketó eftirrétt fyrir ketó fólkið í kringum mig. Þessi kaka er mjög einföld og fljótleg. Þar sem ég hef aldrei notað sætuefni áður tók nokkurn tíma að finna þessi í sætuefnafrumskóginum en það tókst. Kakan er góð og einnig dagana á eftir.“

Matarbloggið hennar Hönnu.

Ketó kaka sem reyndist algjörlega frábær

Ketó kaka

2 egg
1 dl sæta sem er með sömu áferð og hvítur sykur (nota Xylo Sweet – mynd fyrir neðan)
¼ dl hnetusmjör
50 g smjör
½ dl möndlumjöl
1 tsk. lyftiduft
3 dl rjómi
1 msk. súkkulaðisíróp (nota Torani chocolate flavoring syrop)
½ tsk. vanilluessens

Verklýsing

Ofninn hitaður í 180°C
Egg og sætan þeytt saman
Smjör og hnetusmjör sett út í – hrært aðeins
Möndlumjöli og lyftidufti bætt við – hrært
Deigið sett í 20 cm smelluform (smjörpappír í botninn) og bakað í u.þ.b. 25 mínútur
Kakan látin kólna
Rjóminn þeyttur og súkkulaðisætunni blandað saman við
Kakan tekin úr forminu og sett á disk
Rjóminn settur ofan á og kakan skreytt með möluðum hnetum og/eða ögn af kakói stráð yfir